Diskutojnë për provën; Françeska: “S’e duroj dot Edgarin”

Ndërsa banorët në dhomën-burg, vazhdojnë lojën e tyre maratonë me letra, disa nga banorët në dhomën e ndenjes diskutojnë për gatimet tradicionale dhe restorantet se ku mund të gatuhen në Shqipëri.

Të gjithë banorët mblidhen në dhomën e ndenjes dhe fillojnë të bëjnë shaka, duke komentuar e duke qeshur me njëri-tjetrin. Banorët në dhomën-burg diskutojnë për provën javore dhe dështimin e saj. “Më erdhi inat që ngritën dorën kot se unë e vazhdova deri në fund”, shprehet Liami. Ermali thotë se do të kishte dalë i pari sepse shikonte vazhdimisht që ishte më parë nga të gjithë, ndërsa Liami i bën të ditur se ai ka ndjekur një taktikë të gabuar dhe prandaj ka dështuar ën fund të provës.

Graciano dhe Lorena bisedojnë në kopsht me njëri-tjetrin. Gracianos i ka bërë përshtypje sjellja e Erionit dhe ia thotë këtë Lorenës, por ajo i përgjigjet: “Është mërzitur me Kludjan, prandaj”.

Françeska dhe Doloreza fillojnë të bisedojnë me njëra tjetrën për banorët, larminë e karaktereve të tyre dhe vështirësinë për t’u përshtatur. Françeska është ndier e bezdisur nga Edgari gjatë gjithë kësaj kohë. Ajo thotë se nuk ka durim që të dëgjojë historitë e stërzgjatura të tij. “Çfarë tipash që ka këtu ë!”, ia plotëson mendimin Lorena.